દરેક મહિલાઓને રોજ એક જ પ્રશ્ન હોય છે આ જ રસોઈમાં શું બનાવવું જો કઈ મેનુ ફિક્સ હોય તો રસોઈ બનાવવામાં ખુબ સરળતા રહે છે.  તો આજે અમે તમારી સાથે મેનુ લઈને આવિયા છીએ

રવિવારે સવારે બનાવાનો નાસ્તો: કોથમીર મરચા બિસ્કીટ ભાખરી બનાવવા માટે જરૂરી સામગ્રી:

• 1 કપ ઘઉંનો ઝીણો લોટ
• 1 કપ ઘઉંનો કરકરો લોટ
• 1/4 કપ તેલ
• 1/2 ટીસ્પૂન હળદર
• 1 ટીસ્પૂન મીઠું
• 1/2 ટીસ્પૂન અજમા
• 1 ટીસ્પૂન તલ
• 1/2 ટીસ્પૂન હિંગ
• 2 ટીસ્પૂન લીલાં મરચાંની પેસ્ટ
• 1/2 કપ લીલા ધાણા બારીક સમારેલા
• 1/3 કપ પાણી
• 3 ટેબલસ્પૂન ઘી શેકવા માટે

કોથમીર મરચા બિસ્કીટ ભાખરી બનાવવા માટેની રિત: એક વાસણમાં ઘઉંના બંને પ્રકારના લોટ લઇને તેમાં પાણી સિવાયની બીજી બધી સામગ્રી ઉમેરવી. હવે બધી વસ્તુઓ ને બરાબર મિક્સ કરી લેવી. હવે થોડું થોડું પાણી ઉમેરતા જઈ ને કઠણ લોટ બાંધી લેવો. લોટને થોડો મસળીને પંદર મિનિટ માટે ઢાંકી ને રહેવા દેવો. લોટને એક સરખા બાર હિસ્સામાં વહેંચી લેવો. હવે એક ભાગ લઈને મધ્યમ જાડાઈ ની નાની ભાખરી વણી લેવી. ગ્લાસ ની મદદથી કાપી લેવું જેથી કરીને બધી ભાખરી નો આકાર એક સરખો રહે (કાપવું ના હોય તો પણ ચાલે). કાપેલા હિસ્સાને બાજુ પર મૂકી રાખવો જેથી કરીને બધી ભાખરીના કાપેલા હિસ્સામાંથી બીજી ભાખરી બનાવી શકાય. ભાખરી માં ચપ્પુની મદદથી કાપા કરી લેવા.  આ રીતે વણીને કાપા કરીને બધી ભાખરી તૈયાર કરી લેવી. હવે ધીમા તાપે એક પેન ગરમ કરવા મૂકવી. તેમાં સમાય એટલી ભાખરી ગોઠવીને ધીમા તાપે શેકવી. હલકા ગુલાબી રંગની થાય એટલે પલટાવી લેવી.  આ રીતે વણીને કાપા કરીને બધી ભાખરી તૈયાર કરી લેવી. હવે ધીમા તાપે એક પેન ગરમ કરવા મૂકવી. તેમાં સમાય એટલી ભાખરી ગોઠવીને ધીમા તાપે શેકવી. હલકા ગુલાબી રંગની થાય એટલે પલટાવી લેવી.  હવે ભાખરી બીજી તરફથી ગુલાબી રંગની થાય એટલે તેના પર થોડું થોડું ઘી લગાવીને પછી પલટાવીને ભાખરી ના ડટ્ટા ની મદદથી દબાવીને બંને બાજુ ગુલાબી રંગ ની થાય એ રીતે શેકી લેવી. ભાખરી ને ધીમા તાપ પર જ શેકવી, બિલકુલ ઉતાવળ કરીને તાપ વધારવો નહીં. ધીમા તાપે શેકવા થી ભાખરી અંદરથી પણ સારી રીતે ચડી જાય છે અને ક્રિસ્પી બને છે. આ રીતે બધી ભાખરી શેકી ને તૈયાર કરવી. ભાખરી એકદમ ઠંડી થઈ જાય ત્યારબાદ જ એને સ્ટોર કરવી, નહિતર ભાખરી પોચી પડી જાય છે કોથમીર મરચા વાળી બિસ્કિટ ભાખરી ને ચા-કોફી કે અથાણાં સાથે પીરસવી.

રવિવારે બપોરે બનાવવાનું ભોજન: બપોરના લંચમાં બનાવો પાપડીનું શાક આ શાક બનાવવા માટે જરૂરી સામગ્રી

• 400 ગ્રામ તાજી પાપડી
• 3-4 ચમચાં તેલ
• મીઠું પ્રમાણસર
• 1/2 ચમચી ગોળ
• 2 નંગ ડુંગળી
• 3-4 કળી તાજુ લસણ
• 1/2 ચમચી આદું મરચા ની પેસ્ટ
• 1/2 ચમચી હળદર
• 1 ચમચી લાલ મરચું પાઉડર
• 3-4 ચમચી કાજુ ની પેસ્ટ
• કોથમીર